上周末，新一季“浪姐”

《乘风2024》开波啦

大家关注嘅嘉宾阵容揭晓

从出场舞台可以睇到

呢次咖位全线下降

缺少C位人物

姐姐们初舞台同大家见面了

可能大家对节目冇太多期待

但节目就意外咁

炸出咗好多宝藏姐姐

令初舞台大有睇头

//////

呢次“浪姐”

冇“大湾区姐姐”参加

但就有“大湾区新抱”郭碧婷

老公向佐喺隔篱“超越班”

两公婆齐齐参加综艺

话题性係相当强嘅

郭碧婷嘅初舞台

穿着略显松垮肥大嘅裙装

反而有一种阔太嘅chill感

大家都睇到

佢块靓面完全冇变

一出场就令人梦回“南湘”

其他姐姐都中意打成一片

而郭碧婷就好似被孤立咗

大家入后台周围打招呼

佢就尴尬咁搓手

对任何人和事都“漠不关心”

拥有冷淡“i人”气质

被选为小队长后

都冇几多人敢来佢嘅队

不过郭碧婷都非常“佛系”

一啲都唔care有冇人加入

冇谂到佢呢种性格

反而更得观众喜爱

大赞佢“内核强大”

郭碧婷嘅初舞台

就用一首《小美满》坦言

养猫狗、种花草同凑B

就係佢要嘅平凡生活

//////

最年长姐姐一般都好受关注

在节目预热花絮流出时

“雪姨”王琳就已经译风头趸

佢作为“御用恶女”

最经典嘅係敲门嘅一幕

但呢次“雪姨”唔想再敲门

与佢相关嘅热搜话题

反而係佢前苏联留学生身份

喺“浪姐”舞台后台

佢仲同俄罗斯姐姐交流无障碍

大姐大嘅资历、气场都摆喺度

“雪姨”虽然是年纪最大嘅姐姐

但佢嘅时尚感仍然非常有睇头

如呢次初舞台嘅唱《卡门》

一身银色礼服时尚中带复古feel

早前喺时装周做model

走起来带风，气场十足

//////

第一个到场嘅姐姐

係“国家队”身份嘅萨顶顶

佢亦係唱将中最资深嘅一员

居然见到十几年前

《快乐女生》节目中

自己力撑嘅选手刘忻

刘忻当年虽为大热选手

可惜决赛因为喊到走音

最后只攞到季军

昔日评委、学员

今次同台竞技

两人并冇尴尬

反而感动到喊

呢届“浪姐”除咗刘忻

仲有何洁、尚雯婕两位“快女”

大家初舞台都贡献咗

好精彩嘅唱跳舞台

“是非吸引体”尚雯婕

再次陷入drama事件

之前有当年“快女”上综艺

怒斥尚雯婕耍大牌唔复私信

今次又有蔡文静

抱住尚雯婕强行“认亲”

声称两人当年演过姊妹

仲冚同一张被

点知尚雯婕完全忘记咗

场面相当尴尬

//////

睇翻舞台表现

姐姐们有好多出众嘅表现

其中最惊艳嘅就係

新晋“林青霞”陈丽君

靠喺越剧《新龙门客栈》

女扮男装出圈嘅佢

被粉丝称为“老公姐”

佢同样係出自“国家队”

拥有大批粉丝嘅佢

依家更成为投票断层第一

实力不容小觑

呢次佢来就係为咗

弘扬越剧文化

所以初舞台佢带来

戏腔演唱嘅《天命》

台上佢又舞剑又变装

从花木兰到孙悟空

睇到大家热血沸腾

其实私底下佢係一个甜妹子

大反差表演令人惊喜

大反差表演唔止佢一个

佢嘅“最佳拍档”陈昊宇

舞台都令人印象深刻

陈昊宇最近出圈嘅角色

係《如懿传》嘅舒妃

当大家都以为佢just演员时

佢用一首高难度嘅《野子》

坐实咗“唱将”嘅名号

原来佢係歌唱选秀冠军出道

一开口撼低一众姐姐

吸引咗大批粉丝

成为今届嘅“最大黑马”

袁娅维、戚薇、郑妮可等

实力唱将嘅业务水平超强

造型养眼、歌声养耳

“浪姐”初舞台

喺意料之中

都有唔少惊喜嘅

你会唔会继续睇落去？

来源：可乐生活Color微信公众号

编辑：张子殷

审核：曾敏妍

签发：骆苹