张颂文前日

带住自己首档慢综艺

《灿烂的花园》上线啦

综艺一播出

观众被张颂文嘅真性情

猛圈一波粉

喺《狂飙》中

佢係奸诈狠辣嘅“高启强”

现实中就温柔兼有趣

仲经常喺平台同粉丝交流

之所以有呢档节目

竟然係因为佢发嘅一条微博

张颂文po文话：

自己嘅农家小院要拆，

非常唔舍得。

这个留言成功引起咗

佢粉丝&节目制作人嘅注意

跟住量身定做整咗呢个

关于花园嘅慢综艺

节目一开场

张颂文即时表明态度

霸气表明自己

“我的人生不是按剧本来的”

唔跟剧本安排

张颂文即时放飞自我

上一秒仲倾紧要拆嘅花园

下一秒就停车跑去羊群中

徒手揸羊粪

喺买花嘅时候

又同阿婆大战三轮

据理力争咁讨价还价

搞到阿婆都忍唔住吐槽

张颂文太孤寒

对成日都有灵光一现嘅

张颂文

摄影师都摇晒头

话跟唔上佢嘅跳跃思维

节目第一集仲变成

《张颂文和他的朋友》

因为张颂文叫来周一围、

林家川、马嘉祺、曾舜晞等

自己嘅老中青挚友

为迎接全场最后生嘅马嘉祺

佢化身温暖好爸爸

提前帮马嘉祺缝好被

讲起一啲旧时回忆

张颂文更感动到

忍唔住流眼泪

一集节目落嚟

将“慢”字进行到底

令观众都跟住放慢节奏

不过有观众就觉得

呢个节目拍到同

停播嘅《向往的生活》

好相似啵

做咗七季嘅《向往的生活》

被称为“慢综艺”嘅天花板

于前年宣布停播

当时嘅节目内容

集集都差唔多

请来嘅“好朋友”

越来越陌生

睇到大家审美疲劳

呢次嘅《灿烂的花园》

虽然一样係慢综艺

但无剧本嘅真实感

带住大家跟住张颂文嘅

跳脱思维来走

成日会有出其不意嘅惊喜

全程有笑有泪

打开咗慢综艺嘅新赛道

最近节目热度不断飙升

well~

唔知大家对张颂文呢部

“新式慢综艺”感唔感兴趣咧

大家又有冇自己中意嘅慢综艺？

欢迎喺评论区话我哋知啦

来源：可乐生活Color微信公众号

编辑：张子殷

审核：曾敏妍

签发：骆苹